Kryeministri Zoran Zaev njoftoi mbushjen e arkave të buxhetit të shtetit nga legalizimi i makinave me targa të huaja. Mbi këtë bazë, Buxheti është planifikuar të mbledhë rreth 20 milion euro si të ardhura.

Sipas informacionit, të gjithë atyre që kanë vetura me targa të huaja do t’u jepet një afat për transferimin e automjeteve në targa të Maqedonisë dhe do të kenë përfitime dhe zbritje të caktuara, përcjell FLAKA.

Ministria e Ekonomisë nuk specifikoi se si planifikohet ky legalizim. tha se ky ishte një propozim për të cilin ende nuk janë bërë dispozita pasi duhet të miratohet një zgjidhje e përshtatshme ligjore.

“Aktualisht, ne jemi duke punuar në një version të zgjidhjes ligjore që do të zbatojë këtë masë të shpallur, e cila pritet të paraqitet në Parlament për miratim deri në fund të vitit pas harmonizimit me të gjitha institucionet kompetente”, informoi Ministria e Ekonomisë.

Në Strumicë dhe rajon ka një numër të madh të automjeteve me targa të huaja, kryesisht bullgare. Disa nga qytetarët e Strumicës mendojnë se këta shoferë duhet të mbushin buxhetin, duke marrë parasysh se ata përdorin rrugët e Maqedonisë, ndërsa të tjerët pretendojnë se nuk është e nevojshme.

Ministria e Brendshme nuk kishte informacion specifik se sa automjete me targa të huaja ka në vend për të cilat Qeveria po shpall një masë legalizimi.

Për shkak të afërsisë me Bullgarinë fqinje dhe çmimeve më të ulëta për blerjen e automjeteve nga ky vend, në rajonin e Strumicës mbi 20 për qind e automjeteve kanë targa bullgare. Ata drejtohen nga persona të cilët, përveç maqedonasve, gjithashtu kanë shtetësi bullgare dhe regjistrojnë automjetet e tyre në Bullgarinë fqinje.